திருநெல்வேலி: திருநெல்வேலி மாவட்டத்தில் வரும் பிப்ரவரி 6 மற்றும் 7-ம் தேதிகளில் தமிழக முதல்வர் மு.க.ஸ்டாலின் கள ஆய்வு பயணம் மேற்கொள்ளவுள்ளார். அப்போது ரூ.6.18 ஆயிரம் கோடி மதிப்பிலான திட்டங்களை தொடங்கி வைக்கவுள்ளார்.
தமிழக முதல்வர் மு.க.ஸ்டாலின் மாவட்டந்தோறும் சென்று கள ஆய்வு மேற்கொண்டு வருகிறார். இந்த ஆய்வு பயணத்தின்போது முடிவுற்ற திட்டப் பணிகளை தொடங்கி வைத்தும், புதிய பணிகளுக்கு அடிக்கல் நாட்டுகிறார். அந்த வகையில் வரும் 6 மற்றும் 7-ம் தேதிகளில் திருநெல்வேலி மாவட்டத்தில் கள ஆய்வு பயணத்தை முதல்வர் மேற்கொள்ள இருக்கிறார்.
