சர்வதேச பயணிகள் வாகன உற்பத்தி சந்தையில் பாரதம் 3-வது இடத்தில் உள்ளது என்று பிரதமர் நரேந்திர மோடி தெரிவித்துள்ளார்.
தலைநகர் டெல்லியில் பாரத போக்குவரத்து கண்காட்சியை பிரதமர் மோடி நேற்று தொடங்கி வைத்தார். வரும் 22-ம் தேதி வரை பாரத் மண்டபம், யஷோபூமி, கிரேட்டர் நொய்டா, மார்ட் என டெல்லியின் பல்வேறு இடங்களில் கண்காட்சி நடைபெறுகிறது. இந்த கண்காட்சியில் 100 புதிய வாகனங்கள் அறிமுகம் செய்யப்பட உள்ளன.
