பாட்னா: அனுமதி இன்றி சாகும் வரை உண்ணாவிரதம் இருந்து வந்த ஜன் சூராஜ் கட்சித் தலைவர் பிசாந்த் கிஷோர் திங்கள்கிழமை கைது செய்யப்பட்ட நிலையில், அவரது உடல்நிலை பாதிப்பு அடைந்ததால் நேற்றிரவு அவர் மருத்துவமனைக்கு அழைத்துச் செல்லப்பட்டார்.
பிபிஎஸ்சி தேர்வுகளை ரத்து செய்ய வேண்டும் என்ற கோரிக்கையை வலியுறுத்தி ஜன் சூராஜ் கட்சித் தலைவரும், தேர்தல் வியூக வகுப்பாளருமான பிரசாந்த் கிஷோர் பிஹாரின் காந்தி மைதானத்தில் சாகும் வரை உண்ணாவிரதம் இருந்து வந்தார். அனுமதி இன்றி சட்டவிரோதமாக உண்ணாவிரதம் இருந்த காரணத்துக்காக அவர் திங்கள்கிழமை கைது செய்யப்பட்டார். அதேநாளில் அவர் ஜாமீனில் விடுவிக்கப்பட்டார். தற்போது அவர் பாட்னாவில் உள்ள தனது இல்லத்தில் போராட்டம் நடத்தி வருகிறார்.
இதனிடையே, நேற்றிரவு அவரது உடல்நிலை மிகவும் பாதிக்கப்பட்டதால், அவரது கட்சிக்காரர்கள் அவரை மருத்துவமனைக்கு செல்லும்படி கேட்டுக்கொண்டனர்.
