பாட்னா: பிஹார் ஒரு தோல்வியடைந்த மாநிலம் என்று ஜன் சுராஜ் கட்சித் தலைவர் பிரசாந்த் கிஷோம் விமர்சனம் செய்துள்ளார். பிஹாரை சூடானுடன் அவர் ஒப்பிட்டு கருத்து தெரிவித்துள்ளார்.
முன்னாள் தேர்தல் வியூக நிபுணர் பிரசாந்த் கிஷோர் தனது சொந்த மாநிலமான பிஹாரில் ஜன் சுராஜ் என்ற கட்சியை தொடங்கினார். பிஹாரில் 4 சட்டப்பேரவை தொகுதிகளுக்கு நடைபெற்ற இடைத்தேர்தலில் இவரது கட்சி முதல் முறையாக போட்டியிட்டது. இதில் 4 தொகுதிகளிலும் தோல்வி அடைந்தது. இமாம்கஞ்ச் தொகுதியில் இவரது கட்சி அதிகபட்சமாக 22% வாக்குகள் பெற்றது. மற்ற 3 தொகுதிகளில் டெபாசிட் இழந்தது.
