புதுடெல்லி: உலகளவில் பருவ நிலை மாற்றம் மிகப்பெரிய பிரச்சினையாகி வருகிறது என்று ஏற்கெனவே இன்போசிஸ் நிறுவனர் நாராயணமூர்த்தி கவலை தெரிவித்து வருகிறார்.
இந்நிலையில் மகாராஷ்டிர மாநிலம் புனேவில் கடந்த வெள்ளிக்கிழமை நடைபெற்ற ஒரு கூட்டத்தில் நாராயணமூர்த்தி கூறியதாவது: பருவ நிலை மாற்றம் குறித்த பிரச்சினைக்கு குறிப்பிட்ட காலத்துக்குள் தீர்வு காணாவிட்டால், எதிர்காலத்தில் வாழ தகுதியற்ற சிறு நகரங்களில் இருந்து ஏராளமான மக்கள் புனே, பெங்களூரு, ஹைதராபாத் போன்ற நகரங்களுக்கு குடிபெயரும் அபாயம் உள்ளது. அதுவும் அவ்வளவு எளிதல்ல. ஏனெனில், போக்குவரத்து நெரிசல், சுற்றுச்சூழல் மாசுபாடு போன்ற காரணங்களால் அந்த நகரங்களுக்கு குடிபெயர்வதும் எளிதல்ல.
