மும்பை: சட்டப்பேரவைத் தேர்தல் தோல்விக்கு பொறுப்பேற்று மகாராஷ்டிர காங்கிரஸ் தலைவர் பதவியில் இருந்து நானா படோல் விலகி உள்ளார்.
மகாராஷ்டிராவின் கோந்தியா பகுதியை சேர்ந்த நானா படோல் ஆரம்பத்தில் காங்கிரஸில் இருந்தார். கடந்த 2014-ம் ஆண்டில் பாஜகவில் அவர் இணைந்தார். கடந்த 2018-ம் ஆண்டில் அவர் மீண்டும் காங்கிரஸில் ஐக்கியமானார். கடந்த 2021-ம் ஆண்டில் மகாராஷ்டிர காங்கிரஸ் தலைவராக நானா படோல் பதவியேற்றார். அவரது தலைமையில் காங்கிரஸ் வளர்ச்சி அடைந்தது. குறிப்பாக கடந்த மக்களவைத் தேர்தலின்போது மகாராஷ்டிராவின் 17 தொகுதிகளில் போட்டியிட்ட காங்கிரஸ் 13 தொகுதிகளைக் கைப்பற்றியது.
