மும்பை: மகாராஷ்டிராவின் சாங்லி மாவட்டத்தில் உள்ள உரத் தொழிற்சாலையில் உள்ள உலை ஒன்று வெடித்து விஷவாயு கசிவு ஏற்பட்டதில் 2 பெண்கள் உட்பட 3 பேர் உயிரிந்தனர், 9 பேர் மருத்துவமனையில் அனுமதிக்கப்பட்டு இருக்கின்றனர் என அதிகாரிகள் தெரிவித்தனர்.
சாங்லி மாவட்டத்தில் உள்ள ஒரு ரசாயன நிறுவனத்தில் வியாழக்கிழமை மாலை 6.30 மணிக்கு இந்தச் சம்பவம் நடந்துள்ளது. இதுகுறித்து கடேகான் காவல்நிலையத்தின் மூத்த ஆய்வாளர் சங்ராம் ஷெவாலே கூறுகையில், “உரத் தொழிற்சாலையில் உள்ள உலை வெடித்ததில் ரசாயன புகை வெளியேறியது. இந்த வாயு கசிவு காரணமாக அந்த உலை இருந்த பிரிவில் வேலை செய்து வந்த 12 பேர் பாதிக்கப்பட்டனர்.
