“மக்களுக்கு முதல்வர் மருந்தகங்கள் பேருதவியாக அமையும்” – முத்தரசன் வரவேற்பு

சென்னை: முதல்வர் மருந்தகங்கள் மக்களுக்கு பேருதவியாக அமையும். இதனை வரவேற்கிறோம் என இந்திய கம்யூனிஸ்ட் கட்சியின் மாநிலச் செயலாளர் இரா.முத்தரசன் தெரிவித்துள்ளார்.

இது குறித்து அவர் வெளியிட்டுள்ள அறிக்கையில், “தமிழ்நாடு முதல்வர் மு.க.ஸ்டாலின், கடந்த ஆகஸ்ட் 15 சுதந்திர தினவிழாவில் அறிவித்தபடி, மக்களுக்கு மலிவு விலையில் மருந்துகள் வழங்க, இன்று தமிழ்நாடு முழுவதும் 1,000 மருந்தகங்கள் திறக்கப்பட்டுள்ளன. முன்னதாக 2021-ஆம் ஆண்டு முதல் மக்களை தேடி மருத்துவம் திட்டம் செயல்படுத்தப்பட்டு வருகிறது. இதன் மூலம் சுமார் 2 கோடி பேர் பயனடைந்துள்ளனர் என்பது குறிப்பிடத்தக்கது.