சென்னை: மாற்றுத் திறனாளி இசைக் கலைஞர்களை கவுரவப்படுத்தும் வகையில் மாற்றுத் திறனாளிகளுக்கான இணை இசைத் திருவிழா மியூசிக் அகாடமியின் சிற்றரங்கத்தில் நேற்று முன்தினம் நடந்தது.
‘தி இந்து’ குழும பதிப்பகத்தின் இயக்குநரும், மியூசிக் அகாடமியின் தலைவருமான என்.முரளி விழாவைத் தொடங்கிவைத்து பேசியதாவது: ஸ்டெர்லிங் நிறுவனம் மற்றும் ரோட்டரி சங்கம் மெட்ராஸ் கோர மண்டல் முன்முயற்சியில் இந்த இணை இசைத் திருவிழா நடக்கிறது. விருது பெற்ற கலைஞர்களை தேர்ந்தெடுத்திருக்கும் ரோட்டரி சங்கம் மெட்ராஸ் கோரமண்டலுக்கும், கர்ண வித்யா அறக்கட்டளைக்கும் என்னுடைய வாழ்த்துகளை தெரிவித்துக்கொள்கிறேன்.
