உத்தமபாளையம்: முல்லை பெரியாறு அணை மூலம் தேனி மாவட்டம் கம்பம் பள்ளத்தாக்கு பகுதிகளில் இருபோக விவசாயம் நடைபெற்று வருகிறது. லோயர்கேம்ப் முதல் பழனிசெட்டிபட்டி வரை 14 ஆயிரத்து 707 ஏக்கர் நிலங்கள் பலன் பெற்று வருகின்றன.
தமிழக கேரள எல்லை என்பதால் ஏற்ற காலநிலை நிலவுவதுடன் வளமான மண் வளம், வற்றாத பாசன நீர் உள்ளிட்ட காரணிகளால் நெல் மகசூல் திருப்தி கரமாகவே இருந்து வருகிறது. நெல் விலையில் ஏற்ற, இறக்க நிலை இருந்தாலும் விளைச்சலில் இந்த வயல்கள் விவசாயிகளை எப்போதும் கைவிட்டதே இல்லை.
