புதுடெல்லி: இந்தியன் யூனியன் முஸ்லிம் லீக் கட்சியின் ராமநாதபுரம் எம்பியான கே. நவாஸ்கனி, மத்திய ரயில்வேதுறை அமைச்சர் அஸ்வினி வைஷ்ணவைச் சந்தித்து, ராமநாதபுரம் ரயில் வழித்தடங்களுக்கான கோரிக்கைகளை முன்வைத்து மனு அளித்தார்.
இது குறித்து ராமநாதபுரம் தொகுதி இந்தியன் யூனியன் முஸ்லிம் லீக் கட்சி எம்.பி.யான கே.நவாஸ்கனி தனது மனுவில் குறிப்பிட்டிருப்பதாவது: தமிழ்நாட்டின் தென் மாவட்ட மக்கள் பயன்பெறும் வகையில் மானாமதுரையில் இருந்து அபிராமம் பார்த்திபனூர் கமுதி சாயல்குடி வழியாக தூத்துக்குடி வரை புதிய ரயில் பாதை அமைக்கப்பட வேண்டும்.
