யாரும் எதிர்பாராத திருப்பமாக சீமான் – ரஜினி சந்திப்பு நிகழ்ந்திருப்பது தமிழக அரசியல் களத்தில் பேசுபொருளாகி இருக்கிறது. ரஜினி தனது அரசியல் பிரவேசத்தை அறிவித்தபோது, தீவிர எதிர்ப்புக்குரல் சீமானிடமிருந்து வந்தது. ரஜினி அரசியல் பிரவேசத்துக்கு முழுக்குப் போட்டதும், “ஆகச்சிறந்த கலைஞர்” என்று பாராட்டியதும் அதே சீமான் தான். ஆனால், நடிகர் ரஜினி அரசியலுக்கு வந்ததை எதிர்த்த சீமான், நடிகர் விஜய் அரசியல் பேசியபோது, “என் தம்பி விஜய்” என வாஞ்சையானார்.
அதேசமயம், திராவிடமும் தமிழ் தேசியமும் ஒன்று தான் என சொன்னதால் தம்பி விஜய் மீது இப்போது ‘கொல வெறியில்’ இருக்கிறார் சீமான். இப்படியான சூழலில் சூப்பர் ஸ்டார் ரஜினியை வீடு தேடிச் சென்று சந்தித்து பரபரப்பை கூட்டியிருக்கிறார் சீமான். திரையுலகின் ‘சூப்பர் ஸ்டார்’ பட்டம் தொடங்கி, ஜெயிலர் பட விழாவில் ரஜினி சொன்ன, ‘காக்கா கழுகு’ கதை வரைக்கும் ரஜினி ரசிகர்களுக்கும், விஜய் ரசிகர்களுக்கும் மோதல்கள் தொடர்கின்றன. “விஜய் நான் பார்த்து வளர்ந்த பையன்.
