கோவை: வீட்டு மேற்கூரை மின்சக்தி உற்பத்திக்கு நெட்வொர்க் கட்டணத்தில் இருந்து விலக்கு அளிக்க வேண்டும் என அரசுக்கு நுகர்வோர் அமைப்பினர் வலியுறுத்தியுள்ளனர்.
பிரதமரின் சூர்யோதயா யோஜனா திட்டத்தின் கீழ், வீடுகளில் மேற்கூரை மின்சக்தி உற்பத்தி திட்டத்துக்கான கட்டமைப்பை ஏற்படுத்த மத்திய அரசு நடவடிக்கை எடுத்து வருகிறது. இதன்படி, சோலார் தகடுகளைப் பொருத்தி சூரிய சக்தி மின்உற்பத்தி செய்யப்பட்டு வருகிறது. பல்வேறு நகரங்களில் தொழில் துறையினரின் அலுவலகங்கள் மற்றும் பொதுமக்கள் வீடுகளில் சோலார் தகடுகளைப் பொருத்தி, தேவைக்கேற்ப மின் உற்பத்தியை மேற்கொண்டு வருகின்றனர்.
