வேளாங்கண்ணியில் உள்ள புனித ஆரோக்கிய அன்னை பேராலயத்தில் கிறிஸ்துமஸ் விழா நேற்று நள்ளிரவு கோலாகலமாக நடைபெற்றது.
நாகை மாவட்டத்தில் உள்ள வேளாங்கண்ணி `கீழை நாடுகளின் லூர்து நகர்' என்று பெருமையுடன் அழைக்கப்படுகிறது. இங்குள்ள அன்னை ஆரோக்கிய மாதா பேராலயத்தில் ஒவ்வோர் ஆண்டும் கிறிஸ்துமஸ் பண்டிகை கோலாகலமாக கொண்டாடப்படும். அதன்படி, இந்த ஆண்டு கிறிஸ்துமஸ் பண்டிகை இன்று (டிச.25) கொண்டாடப்படுகிறது.
