இந்திய வாக்காளர் பட்டியலில் பிரேசிலியப் பெண் ஒருவரின் புகைப்படம் 22 வெவ்வேறு பெயர்களில் இடம்பெற்றுள்ளதாக ராகுல் காந்தி கூறி இருந்த நிலையில், அந்தப் புகைப்படத்தில் இடம்பெற்ற பெண் பகிர்ந்த வீடியோ ஒன்று தற்போது வைரலாகி வருகிறது.
லாரிசா நேரி என்ற அந்தப் பெண் தனது வீடியோவில், "நண்பர்களே, அவர்கள் என்னுடைய பழைய புகைப்படத்தைப் பயன்படுத்துகிறார்கள். உண்மையில் அது ஒரு பழைய புகைப்படம். அந்தப் புகைப்படம் எடுக்கப்பட்டபோது எனக்கு 18 அல்லது 20 வயது இருக்கும். இந்த விவகாரம் தேர்தல் அல்லது வாக்கு அளிப்பது பற்றியதா என்பது குறித்து எனக்குத் தெரியாது. என்னை இந்தியராக சித்தரித்து மக்களை ஏமாற்றுகிறார்கள். நண்பர்களே, என்ன இது பைத்தியக்காரத்தனம்? நாம் எந்த உலகில் வாழ்கிறோம்?
