ஒவ்வொரு முறையும் அணியில் மூத்த வீரர்கள் வெளியேறி புதுமுக வீரர்கள் நுழையும் ‘மாறும்’ தருணங்களில் ஸ்டார் வீரர்களை நாயக வழிபாடு செய்யும் கலாச்சாரம் இந்திய கிரிக்கெட்டை சீரழித்து வருகிறது என்று முன்னாள் வீரர் சஞ்சய் மஞ்சுரேக்கர் காரசாரமான விமர்சனத்தை முன்னெடுத்துள்ளார்.
இந்தியாவில் வரலாறு காணாத நியூஸிலாந்துக்கு எதிரான 0-3 டெஸ்ட் தொடர் தோல்வி, உடனேயே ஆஸ்திரேலியாவில் 1-3 என்ற தோல்வி இவ்வாறு இந்திய டெஸ்ட் கிரிக்கெட் வீழ்ச்சியைச் சந்தித்து வருகிறது, இதற்கு அணியின் மூத்த அல்லது ஸ்டார் வீரர்களும் அவர்களைச் சுற்றியுள்ள நாயக பிம்பமுமே காரணம் என்கிறார் சஞ்சய் மஞ்சுரேக்கர்.
