சேலம்: சட்டப்பேரவைத் தேர்தலில் திமுகவை வீழ்த்த தயாராக இருக்கிறோம். எங்களுக்கு ஒரே எதிரி திமுகதான், மற்ற கட்சிகள் எங்களுக்கு எதிரி கிடையாது என்று பாஜக உடனான கூட்டணி குறித்து கேள்விக்கு, அதிமுக பொதுச் செயலாளர் பழனிசாமி பதில் அளித்தார்.
சேலம் மாவட்டம் ஆத்தூரில் மாற்றுக் கட்சியினர் அதிமுகவில் இணையும் நிகழ்ச்சி கட்சியின் பொதுச் செயலாளர் பழனிசாமி தலைமையில் நேற்று நடைபெற்றது. பின்னர் செய்தியாளர்களிடம் பழனிசாமி கூறியதாவது: இலங்கை கடற்படையினரால் தமிழக மீனவர்கள் கைது செய்யப்படும் பிரச்சினைக்கு, இந்தியா-இலங்கை அரசுகள் கலந்துபேசி, நிரந்தரத் தீர்வுகாண வேண்டும்.
