மகாராஷ்டிரா: மராட்டிய சட்டப்பேரவை தேர்தலில் வெற்றி பெற்ற உறுப்பினர்கள் சட்டமன்ற உறுப்பினர்களாக பதவியேற்று கண்டனர். மராட்டிய சட்டமன்ற தேர்தலில் பாஜக-வின் மகாயுதி கூட்டணி அமோக வெற்றி பெற்று ஆட்சி அமைத்தது. இதைடுத்து மராட்டியத்தின் 15வது சட்டமன்றத்தின் முதல் கூட்டம் இன்று தொடங்கியது. அப்போது தற்காலிக சபாநாயகராக நியமிக்கப்பட்டுள்ள காளிதாஸ் புதிய உறுப்பினர்களுக்கு பதவி பிரமாணம் செய்து வைத்தார்.
மராட்டிய முதல்வர் தேவேந்திர பட்னாவிஸ், துணை முதலமைச்சர்கள் ஏக்நாத் ஷிண்டே, அஜித் பவார் உள்ளிட்டோரும் சட்டமன்ற உறுப்பினர்களாக பதவி பிரமாணம் எடுத்து கொண்டனர். புதிய சட்டமன்ற உறுப்பினர்கள் பதவி ஏற்பதை தொடர்ந்து மராட்டிய சட்டப்பேரவையின் புதிய சபாநாயகரை தேர்வு செய்வதற்கான தேர்தல் வரும் திங்கள் கிழமை நடைபெறும் என்று தகவல் வெளியாகியுள்ளது.
The post மராட்டிய 15வது சட்டமன்றத்தின் முதல் கூட்டம் இன்று தொடங்கியது: புதிதாக தேர்ந்தெடுக்கப்பட்ட உறுப்பினர்கள் பதவியேற்பு appeared first on Dinakaran.
