கொல்கத்தா: ஜம்மு காஷ்மீர் தீவிரவாதியை போலீசார் கைது செய்துள்ளனர். ஜம்மு காஷ்மீரில் தெஹ்ரீக் இ முஜாகிதீன் என்ற அமைப்பு தீவிரவாத செயல்களில் ஈடுபட்டதால் ஒன்றிய அரசு இந்த அமைப்புக்கு தடை விதித்துள்ளது. இந்த அமைப்புடன் தொடர்பு கொண்டவர் ஜாவேத் முன்ஷி. ஸ்ரீநகரை சேர்ந்தவரான முன்ஷி மேற்கு வங்கத்தில் உள்ள கேனிங் நகரில் உள்ள தனது உறவினரின் வீட்டுக்கு வந்துள்ளார்.
அப்போது ஜம்மு காஷ்மீர் போலீசார்,மேற்கு வங்க போலீசார் இணைந்து நடத்திய சோதனையில் முன்ஷி கைது செய்யப்பட்டார். காஷ்மீரில் நடந்த பல தீவிரவாத தாக்குதல்களில் முன்ஷிக்கு தொடர்பு இருப்பதாகவும், பல ஆண்டுகளாக அவரை தேடி வந்ததாகவும் போலீசார் தெரிவித்துள்ளனர்.
The post மேற்கு வங்கத்தில் காஷ்மீர் தீவிரவாதி கைது appeared first on Dinakaran.
