ஸ்ரீகாளஹஸ்தியில் மருத்துவ முகாம் கால்நடைகளுக்கு பருவ கால நோய்களை தடுப்பது எப்படி?

*அதிகாரி விளக்கம்

ஸ்ரீகாளஹஸ்தி : ஆந்திர மாநிலம் திருப்பதி மாவட்டம் ஸ்ரீகாளஹஸ்தியில் மெகா கால்நடை மருத்துவ முகாம் மற்றும் கால்நடை பராமரிப்பு குறித்த விழிப்புணர்வுராஸ் க்ருஷி விக்ஞான மையம் மற்றும் திருப்பதி ராஸ் மகிளா அமைப்பு இணைந்து கே.வி.பி.புரம் மண்டலத்தில் நேற்று நடத்தின.

இதில் கொத்தூர் மற்றும் கொத்தூர் ஹரிஜன காலனி கிராமங்களில் மையத்தின் மூத்த விஞ்ஞானியும், தலைவருமான டாக்டர் ஸ்ரீனிவாஸ் தலைமையிலான குழுவினர் கால்நடைகளுக்கு தேவையான மருந்துகள் வழங்கி சிகிச்சை அளித்தனர்.

இந்த நிகழ்ச்சியில் டாக்டர் சீனிவாசலு முதலில் விவசாயிகளுக்காக விவசாயத்தில் பயிர் சாகுபடியுடன், கால்நடை வளர்ப்பின் முக்கியத்துவம் குறித்தும் க்ருஷி அறிவியல் மையம் மூலம் மேற்கொள்ளப்படும் பல்வேறு திட்டங்கள் குறித்தும் விளக்கினார்.

மருத்துவ முகாமிற்கு வந்த மாடு, ஆடு, செம்மறி ஆடு, கோழி போன்ற கால்நடைகளுக்கு சுகாதார பரிசோதனையும், முக்கிய நோய்களான தோல் நோய், வாய்ப்புண், சளி மற்றும் தோல் நோய்கள் குறித்தும் சுகாதார பரிசோதனை நடத்தப்பட்டது.

அடையாளம் காணப்பட்ட‌ நோய்களுக்கு தேவையான சிகிச்சைகள் வழங்கப்பட்டன. மேலும் குடற்புழு நீக்கத்தின் ஒரு பகுதியாக, கால்நடைகளுக்கு பூச்சிக்கொல்லி மற்றும் புழு எதிர்ப்பு மருந்து தெளிக்கப்பட்டது.

இந்த கால்நடை மருத்துவ முகாமில் கால்நடை விஞ்ஞானி டாக்டர் அனுஷா, கால்நடைகளில் ஏற்படும் பல்வேறு பருவகால பிரச்னைகளுக்கான அடையாள அம்சங்கள் மற்றும் தடுப்பு நடவடிக்கைகள் குறித்து விளக்கினார்.

இந்த நிகழ்ச்சியில் கால்நடை விஞ்ஞானி ராம்குமார், ராஸ் – மகிளா அமைப்பு திட்ட அலுவலர் வெங்கடேஷ், பணியாளர்கள் சங்கரய்யா, வினோத், முகேஷ், ஸ்வரூப், கால்நடை உதவியாளர்கள், கிராம சர்பஞ்ச் திரு.சுப்பிரமணியம் மற்றும் விவசாயிகள் மற்றும் சேமிப்பு சங்கத்தினர் பங்கேற்றனர்.

The post ஸ்ரீகாளஹஸ்தியில் மருத்துவ முகாம் கால்நடைகளுக்கு பருவ கால நோய்களை தடுப்பது எப்படி? appeared first on Dinakaran.