மன்மோகன் சிங் (1932-2024): கடந்த 1932-ம் ஆண்டு செப்டம்பர் 26-ம் தேதி ஒன்றிணைந்த இந்தியாவின் பஞ்சாப் மாநிலம் (பாகிஸ்தான்) , காஹ் பகுதியில் மன்மோகன் சிங் பிறந்தார். இந்தியா, பாகிஸ்தான் பிரிவினையின்போது மன்மோகன் சிங்கின் குடும்பம் இந்தியாவுக்கு குடிபெயர்ந்தது. முதலில் உத்தரகண்டின் ஹல்துவானில் வசித்த அவர்கள் பின்னர் பஞ்சாபின் அமிர்தசரஸ் நகருக்கு இடம்பெயர்ந்தனர்.
பாகிஸ்தானில் பள்ளிக் கல்வியை நிறைவு செய்த மன்மோகன் சிங், இந்தியாவில் உயர் கல்வியை தொடர்ந்தார். பஞ்சாப் பல்கலைக்கழகத்தில் பொருளாதாரத்தில் முதுகலை பட்டம் பெற்றார். பின்னர் பிரிட்டனின் கேம்பிரிட்ஜ், ஆக்ஸ்போர்டு பல்கலைக்கழங்களிலும் பயின்றார்.
