புதுடெல்லி: அமெரிக்க பொருள்களுக்கு வரிகளைக் குறைப்பது பற்றி எந்த உறுதிமொழியும் அளிக்கப்படவில்லை என்று வர்த்தக செயலாளர் சுனில் பர்த்வால் நாடாளுமன்ற குழுவிடம் தெரிவித்தார். அமெரிக்க அதிபர் டொனால்ட் ட்ரம்ப் அந்நாட்டு பொருள்களுக்கான வரிகளைக் குறைக்க இந்தியா சம்மதித்திருப்பதாக சமீபத்தில் கூறியதற்கான பதிலாக பர்த்வாலின் இப்பேச்சு அமைந்துள்ளது.
வெளியுறவுத்துறைக்கான நாடாளுமன்றக் குழுவிடம் வர்த்தகச் செயலாளர் சுனில் பர்த்வால் திங்கள்கிழமை விளக்கம் அளித்தார். அப்போது வரி குறைப்பு பற்றிய ட்ரம்ப்பின் சமீபத்திய பேச்சு குறித்த கவலையை உறுப்பினர்கள் வெளிப்படுத்தினர்.
