உலகெங்கும் இயங்கும் இசைக் கலைஞர்களைக் கவுரவிக்கும் விதமாக, ஒவ்வோர் ஆண்டும் ‘கிராமி விருதுகள்’ வழங்கப்படுகின்றன. அமெரிக்காவில் பிப்ரவரி 3-ம் தேதி இந்த ஆண்டுக்கான கிராமி விருது வழங்கும் விழா நடைபெற்றது.
கிராமி விருது விழா எப்போதுமே புகழுக்கும் சர்ச்சைக்கும் சேர்ந்தே பெயர் பெற்றது. இந்த விழாவில் கலந்துகொள்ளும் பிரபலங்களின் உடைகள் சமூக வலைதளங்களில் பேசுபொருளாவது வழக்கம். அந்த வகையில், இந்த ஆண்டு கிராமி விழாவுக்கு வருகைத் தந்திருந்த பிரபல ராப் பாடகர் கான்ய வெஸ்ட்டின் மனைவி பியான்கா சென்சோரி, ‘நியூட் டிரெஸ்’ எனப்படும் உள்மறைப்பில்லாத உடையை அணிந்து வந்திருந்தார்.
