காந்திநகர்: குஜராத் மாநிலம் பனஸ்கந்தா மாவட்டத்தில் தீசா பகுதியில் உள்ள தொழில்பேட்டையில் பட்டாசு ஆலை செயல்பட்டு வந்தது. இதில் 20 நபர்கள் பணியாற்றி வந்துள்ளனர். பட்டாசு ஆலையில் இன்று காலை திடீரென தீ விபத்து ஏற்பட்டது. இந்த விபத்தில் 7 பேர் உயிரிழந்தனர்.
மேலும் 4 பேர் படுகாயங்களுடன் மீட்கப்பட்டு மருத்துவமனையில் அனுமதிக்கப்பட்டுள்ளனர். தீ விபத்து குறித்து தகவலறிந்த அதிகாரிகள் விரைந்தனர். மேலும் தீயணைப்பு வீரர்கள் சம்பவ இடத்திற்கு விரைந்து தீயை கட்டுக்குள் கொண்டு வந்தனர். பட்டாசு ஆலையில் ஏற்பட்ட வெடி விபத்து காரணமாக கட்டிடம் முழுவதும் இடிந்து சேதமானது.
இந்த விபத்தில் மேலும் யாரேனும் இடிபாடுகளில் சிக்கியுள்ளனரா என்பது குறித்து தேடப்பட்டு வருகிறது. மேலும் இந்த விபத்து குறித்து போலீசார் விசாரணை மேற்கொண்டு வருகின்றனர். ஒரே நேரத்தில் 7 பேர் இறந்ததை அடுத்து பனஸ்கந்தா நகரம் முழுவதும் துக்கத்தில் மூழ்கியது.
The post குஜராத் மாநிலத்தில் பட்டாசு ஆலையில் ஏற்பட்ட பயங்கர வெடி விபத்தில் 7 பேர் உயிரிழப்பு appeared first on Dinakaran.
