கோத்தகிரி: கோத்தகிரி அருகே கிணற்றில் விழுந்த இரண்டு கரடிகளை ஏணி வைத்து வனத்துறையினர் மீட்டனர்.
நீலகிரி வனக்கோட்டம், கோத்தகிரி வனச்சரகம், ஜக்கனாரை கிராமம், தும்பூர் என்ற குக்கிராமத்துக்கு அருகிலுள்ள கிணற்றில், இரண்டு கரடிகள் விழுந்து, தண்ணீரில் தத்தளிப்பதாக இன்று (சனிக்கிழமை) காலை வனத்துறையினருக்கு தகவல் கிடைத்தது. உடனடியாக கோத்தகிரி வனத்துறையினர் சம்பவ இடத்தில் ஆய்வு செய்தனர்.
