செங்கல்பட்டு மாவட்டம் திருப்போரூர் மற்றும் அதைச் சுற்றியுள்ள செம்பாக்கம், மடையத்தூர், இள்ளலூர், கொட்டமேடு, மாம்பாக்கம், காயார் உள்ளிட்ட கிராமங்களில் சுமார் 13 ஆயிரத்து 800 ஏக்கர் பரப்பளவில் வனப்பகுதி உள்ளது. இந்த வனப்பகுதியை ஒட்டி பல்வேறு கிராமங்கள் உள்ளன.
அதேபோல், திருப்போரூர் ஒன்றியம், இள்ளலூர் ஊராட்சியில் செங்காடு, பெரியார் நகர் ஆகிய கிராமங்கள் உள்ளன. இந்த 2 கிராமங்களுக்கும் செல்வதற்கு வனப்பகுதியை கடந்தே செல்ல வேண்டிய நிலை உள்ளது. மண் மற்றும் ஜல்லி கலந்து போடப்பட்டுள்ள சாலை தற்போது புழக்கத்தில் இருந்தாலும், புதிய சாலை அமைக்க வனத்துறை தடை விதித்துள்ளது.
