ஆந்திரா: ஜிஎஸ்எல்வி எஃப்-15 ராக்கெட் வரும் 29ம் தேதி ஸ்ரீஹரிகோட்டாவில் இருந்து விண்ணில் செலுத்தப்படுவதாக இஸ்ரோ அறிவித்துள்ளது. ராக்கெட் ஏவுதலை காண விரும்புவோர் இஸ்ரோவின் அதிகாரப்பூர்வ இணைய தளத்தில் முன்பதிவு செய்ய வேண்டும் என இஸ்ரோ அறிவுறுத்தியுள்ளது.
ஆந்திர மாநிலம் ஸ்ரீஹரிகோட்டாவில் உள்ள சதீஷ் தவான் விண்வெளி ஆய்வு மையத்தில் 2வது ஏவுதளத்தில் இருந்து என்.வி.எஸ்-02 செயற்கைக்கோளை சுமந்து செல்லும் ஜி.எஸ்.எல்.வி. எப்-15 ராக்கெட் ஜனவரி 29 காலை 6.23 மணிக்கு விண்ணில் ஏவப்படுகிறது. இந்த செயற்கைக்கோளை வடிவமைப்பதற்கு, இந்திய தொழிற்துறை நிறுவனங்கள் முக்கிய பங்களிப்பை வழங்கியுள்ளன. ஜி.எஸ்.எல்.வி எப் – 15 விண்கலம், இஸ்ரோவின் 94வது விண்கலமாகும்.
ராக்கெட் விண்ணில் ஏவுதலை நேரில் காண விரும்புவோர், முன்பதிவு செய்ய இஸ்ரோ வேண்டுகோள் விடுத்துள்ளது. https://lvg.shar.gov.in/VSCREGISTRATION/index.jsp என்ற இணையதளத்தில் இதற்கான நேரம், தேதி விரைவில் அறிவிக்கப்படும்.
ராக்கெட் ஏவுதலை காண விரும்புவதற்கு விண்ணப்பம் செய்வோர், ஆதார் அட்டை/ஓட்டுநர் உரிமம், அரசு வழங்கிய ஏதேனும் ஐடி, மொபைல் எண் மற்றும் மின்னஞ்சல் ஐடியை தயாராக வைத்திருக்க வேண்டும். நிறுவன முன்பதிவுக்கு நிறுவனத் தலைவரிடமிருந்து கையொப்பம் மற்றும் முத்திரையுடன் கூடிய கடிதம் கட்டாயமாகும் என்று இஸ்ரோ அறிவித்துள்ளது.
The post ஜிஎஸ்எல்வி எஃப்-15 ராக்கெட் வரும் 29ம் தேதி விண்ணில் செலுத்தப்படுவதாக இஸ்ரோ அறிவிப்பு appeared first on Dinakaran.
