'டிஜிட்டல் அரெஸ்ட்' மோசடி கும்பலின் தலைவன் கம்ரன் ஹைதரை 2,500 கி.மீ. விரட்டி சென்று என்ஐஏ அதிகாரிகள் கைது செய்துள்ளனர்.
'டிஜிட்டல் அரெஸ்ட்' என்ற பெயரில் நாடு முழுவதும் புதிய மோசடி அரங்கேறி வருகிறது. பொதுமக்களை வீடியோ காலில் தொடர்பு கொள்ளும் மர்ம நபர்கள், தங்களை சிபிஐ, போலீஸ், வருமான வரி, சுங்கத் துறை அதிகாரிகள் என்று அறிமுகம் செய்து கொள்கின்றனர். போதை பொருள் கடத்தல், நிதி மோசடி, வரிஏய்ப்பு உள்ளிட்ட மோசடிகளில் ஈடுபட்டிருப்பதாக கூறி, அப்பாவி மக்களை 'டிஜிட்டல் அரெஸ்ட்' செய்திருப்பதாக மிரட்டி பணம் பறிக்கின்றனர்.
