சென்னை: அறநிலையத் துறையின் மோசமான நிர்வாகத்தால் தமிழகத்தில் உள்ள கோயில்களுக்கு ஆண்டுக்கு ரூ.5,900 கோடி வரை இழப்பு ஏற்பட்டுள்ளதாக குற்றச்சாட்டு எழுந்துள்ள நிலையில், கோயில் நிர்வாகத்தை நேர்மையான அறங்காவலர்களின் கையில் ஒப்படைக்க வேண்டும் என கோரிக்கை எழுந்துள்ளது.
கோடிக்கணக்கில் வருமானம் வரும் பழநி கோயிலுக்கு உயர் நீதிமன்ற உத்தரவுப்படி சமீபத்தில் புதிதாக அறங்காவலர்கள் நியமிக்கப்பட்டுள்ள நிலையில், இந்த புதிய அறங்காவலர் களாவது, எந்த அதிகாரமும் இல்லாத செயல் அதிகாரியிடமிருந்து கோயில் நிர்வாகத்தை கையில் எடுப்பார்களா என்ற கேள்வியை எக்ஸ் வலைதளப் பக்கத்தில் எழுப்பியுள்ளார் ஆலய வழிபடுவோர் சங்கத் தலைவரான மயிலாப்பூர் டி.ஆர்.ரமேஷ்.
