டெல்லி: தேர்தல் ஆணையத்தின் மிகப்பெரிய திருட்டை கண்டுபிடித்துள்ளோம், விரைவில் ஆதாரத்துடன் வெளியிடுவோம் என எதிர்க்கட்சித் தலைவர் ராகுல்காந்தி தெரிவித்துள்ளார். மக்களவையில் இருந்து வெளிநடப்பு செய்த எதிர்க்கட்சி தலைவர் ராகுல்காந்தி தேர்தல் ஆணையம் மீது அடுக்கடுக்கான புகார் தெரிவித்துள்ளார். அதில்,
*இது பீகார் குறித்தது மட்டும் அல்ல, மகாராஷ்டிரத்திலும் இவர்கள் மோசடி செய்தார்கள்.
*நாங்கள் தேர்தல் ஆணையத்திடம் வாக்காளர் பட்டியலும், வீடியோவும் கேட்டோம். ஆனால் எங்களுக்குத் தரவே இல்லை.
*அதற்காக அரசு விதியையே மாற்றி, வீடியோக்களைக் கொடுக்காமல் பார்த்துக்கொண்டது.
*மகாராஷ்டிரா தேர்தலுக்கு முன், 1 கோடி புதிய வாக்காளர்கள் சேர்க்கப்பட்டார்கள்.
*கர்நாடகாவிலும் நாங்கள் ஆழமான ஆய்வு செய்தோம் மிகப்பெரிய மோசடி அங்கே வெளிச்சத்திற்கு வந்தது.
*நான் உங்களுக்கும், தேர்தல் ஆணையத்திற்கும் காட்டத் தயார் — என்ன வஞ்சனை நடந்தது என்பதையும், எங்கே நடந்தது என்பதையும் முழுமையாக, ஆதாரங்களுடன் காட்ட முடியும்.
பாஜகவின் நாடகத்தை நாங்கள் புரிந்துகொண்டுவிட்டோம்.
*கர்நாடகாவில் ஒரு தொகுதியை தேர்ந்தெடுத்து, 6 மாதமாக முழுமையாக ஆய்வு செய்தோம். அதிலேயே இவர்கள் எப்படி தேர்தலை திருடுகிறார்கள் என்ற முழு விபரங்களையும் பிடித்தோம்.
*புதிய வாக்காளர்கள் எப்படி உருவாக்கப்படுகிறார்கள்?யார் உண்மையில் வாக்கு செலுத்துகிறார்கள்?
எங்கிருந்து அந்த வாக்குகள் போட்டுக்கப்படுகின்றன?
*இப்போது அவர்களுடைய முழு திருட்டுத்தனமும் எங்களுக்குத் தெரிந்துவிட்டது. அவர் அதையும் உணர்ந்துவிட்டார்கள்.
*அதனால்தான் இப்போது பீகாரில் அந்த முறையையே மாற்றி. ஆனால் ஒரு புதிய வடிவில் பயன்படுத்த முயற்சிக்கிறார்கள்.
*தற்போது அவர்கள் வாக்காளர்களையே நீக்கிவிட்டு, தங்களுக்கேற்ற முறையில் புதிய வாக்காளர் பட்டியலை உருவாக்கப்போகிறார்கள்.
*பீகாரில் 52 லட்சம் வாக்காளர்களின் பெயர்கள் நீக்கப்பட்டது குறித்து கேள்வி எழுப்பினால் பதில் இல்லை.
*இந்தியாவில் தேர்தல்கள் திருடப்படுகின்றன. இதுதான் நம் ஜனநாயகத்தின் கடுமையான உண்மை. என குற்றம்சாட்டி இருந்தார்.
The post தேர்தல் ஆணையத்தின் மிகப்பெரிய திருட்டை கண்டுபிடித்துள்ளோம், விரைவில் ஆதாரத்துடன் வெளியிடுவோம்: ராகுல்காந்தி appeared first on Dinakaran.
