சென்னை: பொங்கல் பரிசுத் தொகுப்புடன் பணம் வழங்குவதா, வேண்டாமா என்பதை அரசு தான் முடிவு செய்ய வேண்டும் என கருத்து தெரிவித்துள்ள உயர் நீதிமன்ற நீதிபதிகள், இதுதொடர்பான வழக்கை விசாரணைக்கு ஏற்க மறுப்பு தெரிவித்துள்ளனர்.
பொங்கல் பண்டிகையை முன்னிட்டு தமிழக அரசு நியாய விலைக்கடைகள் மூலமாக வழங்கிய பொங்கல் பரிசுத் தொகுப்புடன் ரூ. 2 ஆயிரம் ரொக்கப்பணம் வழங்கக்கோரி பாஜக வழக்கறிஞரான ஏ.மோகன்தாஸ் சென்னை உயர் நீதிமன்றத்தில் வழக்கு தொடர்ந்திருந்தார்.
