அமிர்தசரஸ்: ரீல்ஸ் வீடியோ வெளிட்ட பெண் காவலர் ஒருவர் போதை பொருள் வழக்கில் பஞ்சாப் போலீசாரால் கைது செய்யப்பட்டார். பஞ்சாப் காவல்துறையில் பணியாற்றி வரும் பெண் காவலர் அமன்தீப் கவுர் என்பவர், அவ்வப்போது தனது யூனிஃபார்ம் மற்றும் சொகுசு கார்களைக் காட்டி இன்ஸ்டாகிராமில் வீடியோ பதிவிட்டு வந்தார். இந்நிலையில் அவர் போதை பொருள் பயன்படுத்தி வருவதாக ரகசிய தகவல் கிடைத்தது. அதையடுத்து பஞ்சாப் காவல்துறையும் போதைப்பொருள் தடுப்புப் படையினரும் பாட்டிண்டாவில் இருந்த அமன்தீப் கவுரின் காரில் இருந்து 17.7 கிராம் ஹெராயினை கைப்பற்றினர். அதையடுத்து அமன்தீப் கவுரை கைது செய்த போலீசார், அவரை நீதிமன்ற காவலுக்கு அனுப்பி வைத்தனர். தொடர்ந்து அவரை பணியில் இருந்து நீக்கி மூத்த போலீஸ் அதிகாரி உத்தரவிட்டார்.
இதுகுறித்து டிஎஸ்பி ஹர்பந்த் சிங் தாலிவால் கூறுகையில், ‘காவல்துறையில் காவலராக பணியாற்றி வந்த அமன்தீப் கவுர், நன்ஹி சா சௌக் அருகே காரில் சென்ற போது அவரது காரை போதை பொருள் தடுப்பு பிரிவு அதிகாரிகள் சோதனையிட்டனர். அப்போது அவரது காரில் 17.71 கிராம் போதை பொருள் கைப்பற்றப்பட்டது. அவர் தனது காவல் யூனிஃபார்ம் மற்றும் சொகுசு கார்களைக் காட்டி இன்ஸ்டாகிராமில் அவ்வப்போது வீடியோ வெளியிட்டு வந்தார். தொடர் விதிகளை மீறி வந்த அமன்தீப் கவுர், தற்போது போதை பொருள் வழக்கில் கைதாகி உள்ளார். அவரை அதிகாரிகள் பணிநீக்கம் செய்துள்ளனர்’ என்றார்.
The post போதை பொருள் வழக்கில் ரீல்ஸ் வீடியோ வெளியிட்ட பெண் காவலர் கைது appeared first on Dinakaran.
