முன்னாள் பிரதமர் வாஜ்பாயின் 100-வது பிறந்த நாளான நேற்று டெல்லியில் ஆளும் தேசிய ஜனநாயக கூட்டணியின் (என்டிஏ) தலைவர்கள் கூட்டம் நடைபெற்றது.
பாஜக தலைவர் ஜே.பி.நட்டாவின் வீட்டில் நடைபெற்ற இக்கூட்டத்தில் மத்திய அமைச்சர் அமித்ஷா, தெலுங்கு தேசம் கட்சியின் தலைவர் என்.சந்திரபாபு நாயுடு, மத்திய அமைச்சர்கள் ராம் மோகன் நாயுடு (தெலுங்கு தேசம்), ராஜீவ் ரஞ்சன் சிங் (ஐக்கிய ஜனதா தளம்), எச்.டி.குமாரசாமி (மதசார்பற்ற ஜனதா தளம்), அனுப்ரியா படேல் (அப்னா தளம்-எஸ்), ஜிதன் ராம் மாஞ்சி (ஹிந்துஸ்தானி அவாமி மோர்ச்சா), ராஷ்ட்ரிய லோக் மோர்ச்சா தலைவர் உபேந்திர குஷ்வாகா உள்ளிட்டோர் பங்கேற்றனர்.
