வேங்கைவயலில் உயிரிழந்த மூதாட்டியின் குடும்பத்தினரிடம் துக்கம் விசாரிக்கச் செல்ல வெளியூர் நபர்களுக்கு போலீஸார் அனுமதி மறுத்ததைக் கண்டித்து, அப்பகுதி மக்கள் நேற்று தர்ணாவில் ஈடுபட்டனர்.
புதுக்கோட்டை மாவட்டம் வேங்கைவயல் கிராமத்தில் குடிநீர் தொட்டியில் மனிதக்கழிவு கலக்கப்பட்ட விவகாரத்தில், அதே பகுதியைச் சேர்ந்த காவலர் முரளிராஜா, சுதர்ஷன், முத்துகிருஷ்ணன் ஆகியோர் குற்றம் செய்ததாக நீதிமன்றத்தில் சிபிசிஐடி போலீஸார் அறிக்கை தாக்கல் செய்துள்ளனர். இதனிடையே, வெளியூர் நபர்கள் வேங்கைவயலுக்குச் செல்ல தடை விதிக்கப்பட்டது. இதற்காக ஊரை சுற்றிலும் சோதனைச் சாவடிகள் அமைத்து போலீஸார் கண்காணிப்புப் பணியில் ஈடுபட்டு வருகின்றனர்.
