டெல்லி: ஸ்பேடெக்ஸ் திட்டம் வெற்றி பெற்றதற்கு எதிர்க்கட்சி தலைவர் ராகுல்காந்தி வாழ்த்து தெரிவித்துள்ளார். இஸ்ரோ சார்பில் கடந்த டிசம்பர் 30ம் தேதி ஸ்பேடேக்ஸ் ஏ, ஸ்பேடெக்ஸ் பி ஆகிய 2 விண்கலன்களும் பிஎஸ்எல்வி சி-60 ராக்கெட் மூலம் ஏவப்பட்டு விண்ணில் நிலைநிறுத்தப்பட்டன. இதை தொடர்ந்து, விண்வெளியில் 2 விண்கலன்களை இணைக்கும் வகையில், இஸ்ரோ செயல்படுத்தி வந்த ‘ஸ்பேடெக்ஸ்’ திட்டம் வெற்றி பெற்றதாக அறிவிக்கப்பட்டுள்ளது. விண்ணில் 2 செயற்கைக் கோள்களை டாக்கிங் முறையில் இணைக்கும் முயற்சியில் இஸ்ரோ வெற்றி கண்டுள்ளது.
மேலும் 2 விண்கலன்களை இணைக்கும் ஒருங்கிணைப்பு தொழில்நுட்பத்தை அறிந்த 4 வது நாடு என்ற பெருமையை இந்தியா பெற்றுள்ளது. ஸ்பேடெக்ஸ் திட்டத்தின் வெற்றிக்கு உழைத்த விஞ்ஞானிகளுக்கு புதிய இஸ்ரோ தலைவர் நாராயணன் பாராட்டுகளை தெரிவித்துள்ளார்.
இந்நிலையில், இஸ்ரோ விஞ்ஞானிகளுக்கு ராகுல்காந்தி வாழ்த்து தெரிவித்துள்ளார். இது குறித்து அவர் வெளியிட்டுள்ள எக்ஸ் பதிவில் ஸ்பேடெக்ஸின் வரலாற்று வெற்றிக்காக இஸ்ரோவின் சிறந்த விஞ்ஞானிகளுக்கு வாழ்த்துகளை தெரிவித்துக்கொள்கிறேன்.
இந்த மைல்கல் இந்தியாவின் திறன்களில் குறிப்பிடத்தக்க பாய்ச்சலைக் குறிக்கிறது, அதிக விண்வெளி திட்டங்கள் மற்றும் பணிகளுக்கு வழி வகுக்கிறது. உங்களின் அர்ப்பணிப்பும் புதுமையும் உலகை ஊக்குவிக்கும் மற்றும் ஒவ்வொரு இந்தியரையும் பெருமைப்படுத்துகிறது.
The post ஸ்பேடெக்ஸ் திட்டம் வெற்றி பெற்றதற்கு எதிர்க்கட்சி தலைவர் ராகுல்காந்தி இஸ்ரோ விஞ்ஞானிகளுக்கு வாழ்த்து appeared first on Dinakaran.
