வெலிங்டன் மைதானத்தில் இன்று தொடங்கிய இங்கிலாந்து-நியூஸிலாந்து அணிகளுக்கு இடையிலான 2வது டெஸ்ட் போட்டியின் முதல் நாள் ஆட்டத்தில் இங்கிலாந்து 280 ரன்களுக்கு மடிய, தங்கள் முதல் இன்னிங்ஸை தொடர்ந்து ஆடிய நியூஸிலாந்து அணி 5 விக்கெட்டுகளை இழந்து 86 ரன்களை மட்டுமே எடுத்து முதல் நாள் ஆட்டத்தை முடித்துள்ளது.
முதல் டெஸ்ட்டிலும் அணியை சிக்கலிலிருந்து மீட்ட ஹாரி புரூக் அந்த டெஸ்ட் போட்டியிலும் அதிரடி சதம் கண்டு 170+ ரன்களைக் குவித்தார். இன்றும் 43/4 என்று தடுமாறிய நிலையில் புரூக்கும் (123 ரன்கள், 115 பந்துகள், 11 பவுண்டரிகள் 5 சிக்சர்கள்), ஆலி போப்பும் (66) இணைந்து 26 ஓவர்களில் 174 ரன்களை 5வது விக்கெட்டுக்காகச் சேர்த்து அணியை மீட்டனர். 2 டெஸ்ட்களில் 2 சதம் என்று புரூக் பின்னி எடுத்து வருகிறார்.
