பிரிஸ்பன்: ஆஸ்திரேலிய அணிக்கு எதிரான 3-வது டெஸ்ட் போட்டியின் 4வது நாள் ஆட்ட நேர முடிவில் 9 விக்கெட்டுகளை இழந்த இந்திய அணி 252 ரன்களைச் சேர்த்துள்ளது. இதன் மூலம் அந்த அணி ஃபாலோ ஆனை தவிர்த்தது.
இந்திய அணி, ஆஸ்திரேலியாவில் சுற்றுப்பயணம் செய்து டெஸ்ட் தொடரில் விளையாடி வருகிறது. முதல் போட்டியில் இந்திய அணி வெற்றி பெற்ற நிலையில் 2-வது போட்டியில் ஆஸ்திரேலிய அணி வெற்றி பெற்று பதிலடி கொடுத்தது. இதையடுத்து தொடர் 1-1 என்ற கணக்கில் சமநிலையில் உள்ளது.
