விழுப்புரம்: விழுப்புரம் ஆட்சியர் அலுவலகத்தில் செயல்பட்டு வரும் கட்டுப்பாட்டு அறையில் இன்று அமைச்சர் பொன்முடி ஆய்வு மேற்கொண்டு பொதுமக்களின் கோரிக்கைகளை தொலைபேசி மூலம் கேட்டறிந்தார்.
பின்னர் அவர் கூறியதாவது: ஃபெஞ்சல் புயலால் விழுப்புரம் மாவட்டத்தில் அதிக பாதிப்பு ஏற்பட்டுள்ளது. விழுப்புரம் மாவட்டத்தில் ஏற்பட்டுள்ள பாதிப்புகளை சீர் செய்திடும் வகையில் மின்சாரத்துறை அமைச்சர் செந்தில் பாலாஜி மற்றும் போக்குவரத்துத்துறை அமைச்சர் சிவசங்கர் ஆகியோர் மின்பாதிப்பு மற்றும் போக்குவரத்து வசதிகளை சீர் செய்ய முதல்வரின் உத்தரவின் பேரில் வர உள்ளார்கள்.
