திருவண்ணாமலை: தண்டராம்பட்டு அருகே தென்பெண்ணையாற்றில் ஏற்பட்ட வெள்ளப் பெருக்கில், திறப்பு விழா கண்ட 3 மாதத்தில் ரூ.15.90 கோடியில் கட்டப்பட்ட உயர்மட்ட பாலம் அடித்து செல்லப்பட்டுள்ள அதிர்வலையை ஏற்படுத்தி இருக்கிறது.
திருவண்ணாமலை மாவட்டம் தண்டராம்பட்டு அருகே சாத்தனூர் அணையில் இருந்து திங்கள்கிழமை அதிகாலையில் கிட்டத்தட்ட 2 லட்சம் கனஅடி தண்ணீர் வெளியேற்றப்பட்டது. இதனால் தென்பெண்ணையாற்றில் வெள்ளப் பெருக்கு ஏற்பட்டு திருவண்ணாமலை, கள்ளக்குறிச்சி, விழுப்புரம், கடலூர் ஆகிய 4 மாவட்டங்களை சூறையாடியது. வெள்ளத்தின் அகோர பசிக்கு நூற்றுக்கணக்கான கிராமங்கள் இறையாகின.
