இந்தியாவிலேயே இரட்டை இலக்க பொருளாதார வளர்ச்சியை பதிவு செய்துள்ள மாநிலமாக தமிழகம் உருவாகியிருப்பது முதல்வர் ஸ்டாலின் தலைமையிலான திமுக அரசின் அபார சாதனை மட்டுமின்றி தமிழர்கள் அனைவரும் பெருமை கொள்ள வேண்டிய ஒன்றாகும்.
மற்ற மாநிலங்களை விட அதிக வளர்ச்சி விகிதத்தைக் காட்டி, தமிழகம் பொருளாதார வளர்ச்சியில் முதலிடத்தைப் பிடித்துள்ளது என்ற செய்தி சில தினங்களுக்கு முன் வந்த நிலையில், மத்திய புள்ளியியல் மற்றும் திட்ட அமலாக்கத்துறை அமைச்சகம் வெளியிட்டுள்ள திருத்தப்பட்ட மதிப்பீட்டில், தமிழகத்தின் வளர்ச்சி விகிதத்தை இன்னும் அதிகரித்து 11.19 சதவீதமாக குறிப்பிட்டிருப்பது மேலும் பெருமை சேர்த்துள்ளது.
